دعا ناشطون على مواقع التواصل الإجتماعي اللبنانيين إلى مقاطعة شركتي الإتصالات الخلوية، من خلال إقفال الخطوط يوم الأحد القادم، وذلك بهدف إجبار القيمين على الشركتين الغاء التشريج الشهري الاجباري.
و كتبت الحملة على صفحتها على فايسبوك : حملتنا #رح_سكّر_خطي ضرورية كتير بوجه الشركتين ألفا وتاتش لان عدد المشتركين تقريبا ٥ ملايين مشترك ، لو استخدم كل واحد منهم دولار في اليوم يعني دخل الشركتين ٥ ملايين دولار باليوم يعني بالشهر ١٥٠ مليون دولار وطبعا اللبناني أقل شي مصروفو بين اتصالات وانترنت ١٠ دولارات ، تصوروا لو قاطعناهن ليوم وطالبنا بحقوقنا قديش بتتصوروا رح تكون الخسائر الهن ؟ بعد في بلد بالعالم بشرح ايام و دولارات ؟ نحنا مؤمنين بإنو عندكن ثقافة ووعي مستهلك بيعرف حقوقو انها مسلوبة ولازم ننتفض ونصرخ بوجهن ونقلن لازم تلغو التشريج الشهري الإجباري.
بكل دول العالم انترنت وبتحكي بلاش واتس اب وفيس بوك وتلفون بلاش وكلو ب 30 دولار الا عنا بلبنان بكون الواحد نايم بخاف يحترق تلفونو من الخوف عا الوحدات بالتلفون من التفكير بصير بدو وحدات دم للذبحة القلبية فعلا يلي بدو يخصص ابنو اذعر ونصاب يبعتو عا لبنان بيعمل بروفسور".
#رح_سكّر_خطي يوم الأحد ب ٨-١-٢٠١٧ واعمل تلفوني وضعية الطيران ( flight mode or airplane mode ) واتواصل مع الاهل والأصدقاء على الواي فاي ويا جبل ما يهزك ريح .
بمجرد مشاركة البوست بتكون عم تحارب الفساد .
