نشر السيد محمد باجوق و هو شاهد عيان قصة اشكال حصل بالامس على احدى الطرقات الجنوبية وكتب "مبارح على طريق عام بمنطقة جنوبية، وبسبب خلاف مروري، سكّر رجال ومرتو الطريق ونزلو من سيارتن الغالية وبلشو يضربو رجال ومرتو الشحار والضعف واضح عليهن وما حدا عنالو يوقف هالأذى، الناس عم تقطع بشكل طبيعي. خلال المعركة القصيرة الغير متكافئة عم قلو للأستاذ المرتب خلص مبروك انت ربحت الجماعة اكلو اتلة، جاوبني: "ما شبعت."
المعركة هون مش بين غني وفقير لإن كان ممكن يكون الوضع معكوس، المعركة بين قيم انسانية واجتماعية تنقرض وغرائز حيوانية تظهر.
