على سبيل الممازحة، نشر الشاب حسن ندا المنشور التالي ولاقى تفاعلاً كبيراً بين رواد مواقع التواصل الاجتماعي الذين تساءلوا "أي علي؟ كل بيت فيه علي" واطلقوا حملة المليون منشن ل علي بغية تنبيهه:
المشكلة وين؟؟ انو كل بيت فيه علي ، ويللي مش مسمي ابنه علي بيكون هو إسمه علي ودخيلك يا إمامووو علي شو بدي سوي هلق ، لمين بدي إشكي وجيعتي إسا ؟؟ ولمين ولا لمين بدي إبعت تحذير ، لأي علي ؟؟
على كل حال انا رح اعمل يللي عليي وانشالله توصل ل علي او حدا يقدر يعرفه...
*يا خيي علي يللي خطيبتك اسمها إيمان وبكرا معزوم لعندهن على العشا وانت طالب منها سمكة حرّة
خطيبتك وامها كانوا اليوم الصبح بصيدا و راجعين من بيروت ، انا كنت قاعد قدامهم بالڤان و سامع كل شي
خطيبتك والعقربة امها عم يخططوا انهم يطفشوك بس بدهن اياها تطلع منك كرمال تتركلها العلامة و تدفع المؤخر يللي هو ٣٠ ليرة ذهب
(وعدم المؤاخذة خيي علوش بس ٣٠ ليرة ذهب مش كتار شوي على إيمان وهي للامانة بتشبهني بس ما عندها ذقن وشوارب!!؟؟)
المهم ، هي من الاساس ما بتحبك و قالت انك كلب عند إمك و حكيت حكي عن إختك فطومة #يختااااااااااااااي بس انا مش حابب قوله لأن عيب
علوش اذا وصلتك هالرسالة قبل ما تروح بكرا على العشا شوف شو بدك تعمل و كيف رح تتصرف ونحنا بدنا نهدي النفوس يا غالي
