بعدما ضجت مواقع التواصل الإجتماعي منذ فترة بفيديو للشاب عمر شبارو من منطقة طريق الجديدة يتحدث فيه عن معاناة والدته الحاجة فاطمة الغوش (ام محمد ) المصابة بمرض السرطان وهو يذرف دموع القهر موجعاً قلوب اللبنانيين، وقيام احد فاعلي الخير بالمساعدة لإدخال والدته الى المستشفى، مشيئة القدر كانت أن تغادر الحاجة فاطمة الدنيا اليوم وأن يخسر الإبن البار والدته.
نشرت إحدى الناشطات على فايسبوك:"هيدا عمر.. عمر يلّي من شهرين طلع لايف ع صفحة الفيسبوك وبكي قدام ملايين من النّاس، وإترجاهن يساعدوا بعلاج إمّو! عمر يلّي بعد ما طلع وحرق قلب الكل، كتار من الناس نزلّت ع الفيسبوك إنّو هيي متكفلة بالعلاج وكل شي وللأسف طلعوا كذابين وغاويين شهرة! عمر رجع طلع ع ال tv وحكى كيف كلّوا أعطاه وعود كذب، وما حدا فعلاً كان عم يساعد ومع هيك كمان ما حدا إتحرّك! اليوم عمر خسر إم بتسواك إنت وياه وياه، وبتسوى ثرواتكن وممتلكاتكن ومناصبكن يلّي ما بتشرّفنا وولا بتمثلنا! االولد عم يتيتّم والأهل عم يخسروا ولادن وإنتو 'لا حياة لمن تنادي'!
لوين بعدكن رايحين؟ فوق إنّو ناهبين البلد وحارمينا أقل حقوقنا، كمان بدكن تحرمونا أهالينا وأخواتنا وأولادنا؟؟؟
الله لا يسامحكن ويبكيكن دم ع كل حرقة قلب عم تكونوا انتوا سببها
الله يصبرك يا عمر ويرحم إمّك، إرتاحت من عذابها ومن هيك بلد!!!" معاناة هذا الشاب تلخّص مأساة مواطنين كُثر يدفعون أثمان الذل مضاعفة وذنبهم أنهم مواطنون من لبنان."
أسرة موقع بنت جبيل تعزي الشاب عمر شبارو الذي رفض الإستسلام لإنقاذ والدته من أوجاعها ومن واقعنا المؤلم.
بنت جبيل.أورغ
