أنت تتصفح أرشيف موقع بنت جبيل

الإستقـلال رقم واحـد

الإثنين 22 تشرين الثاني , 2010 03:00 بتوقيت مدينة بيروت - شاهده 2,820 زائر

الإستقـلال رقم واحـد

 

شعب لبنـان يا بَـيّ   الخليقـه                     من التكويـن أمجَـادَك عرِيقَـه

بعثت الحرف للعالـم   بأسـرُو                     و مخرت البحـر  بأرزه  عَتيقـه

مِنَّك أشرقت شمـس  المواهـب                     الخيال عملت  للعالـم حقيقـه

و بعدك عا جناح العلم  راكـب                    رغم الحرب و جروح  العميقـه

غَزو أرضَك إلُـن فيها  مـآرِب                    عا أرضـك ما لَقوا إلا حَريقـه

جحافـل متل أفواج  العقـارب                    أفاعـي الغرب لَمْسِتها  رقيقـه

المستعمر دَخَل أرضَك عا قـارب                    القوارب ببحر دَمَّـك غَرِيقـه

صَرَخ أرزَك يا بن لبنـان  حارب                    الغازِي يشُوف لسيوفك بريقـا

شبابك لو سَقَط منها  كواكـب                    الشهيـد يظَـلّ للأرزه رفيقـا

حَرِّر أرضَك ، التحرير  واجِـب                    الأفاعي سِمّها  من نَفس ريقـا

ما في مستعمر إستقلال  واهـب                    إلا بِـدَمّ   تكتبلـوا   وثيقـه

يا إستقلال قُـول لكل غاصِـب                   أرضِـي صَعب تتذَوَّق رَحيقَـا

شعب واحد رغم عدة مذاهِـب                   وطـن واحد متل رَب الخليقـه

درزي و مسلم من الدير راهِـب                  كلمـة ذل مـا فينـا  نطِيقَـا

اسألُـوا التاريخ أو كتب المكاتب                  اسألُـوا بشامُون و القلعة المشيقه

و راشَيَّا اللي الها حساب  حاسب                 و كل قلعـه تخبـر عن  فَرِيقـا

من رجـال السجن نلنا مكاسب                  استقـلال من هُـوِّي عميقـه

تَعَـا يا كهل  يا تاريخ  راقـب                   عا نهر الكلب أوقَفلَك  دقيقـه

حفرنا عالصخر  رحلوا الأجانب                   و حفرنا بالقلب لبنـان باقـي

و سَمَـاه تظَـلّ للأرزه رفيقـه ...

 

اديب سعيد بزي - بنت جبيل 

Script executed in 0.037299871444702