أنت تتصفح أرشيف موقع بنت جبيل

يا مشحره شو علقك فيي

السبت 07 نيسان , 2012 03:00 بتوقيت مدينة بيروت - شاهده 5,268 زائر

يا مشحره شو علقك فيي


يا مشحره شو علقك فيي

لامال عندي ولا شبوبيه

عندي بعين بعال بيت زغير

واموال في بنك العزوبيه

ويا حسين يا اخر شموع الدار

من خيك تسمع هالوصيه

حتى تعيش العمر ليل نهار

مرتاح ما عندك ولا خطيه

فتش ع حلوي بيها مختار

بضيعة زغيري تكون مقفيه

وتكون من اصل ونسب مفخار

وعالام دور قبل مين هيه

ولا تطمع بيورو ولا دولار

وشقه وسفر عبلاد غربيه

وسيارتك بالطول خمس متار

وترسم الك احلام وهميه

بكرا الوعد بيزول مثل نهار

اللي باخرو في عتم يا خيي

واياك تعلق مع بنت سحار

وتكون اما شوي ناريه

بتغرقك بالكتب والاسحار

وبتصير روح وجيب ليليه

وهيكي يا خيي بتحرقك بالنار

وبتشيب قبل الوقت يا بنيي

واياك تبقى للمرا مندار

وتشدك بحبلي حريريه

وبتموت قبل الترم يا ختيار

وبتصير تترحم على الماضي

وتبكي على ليالي العزوبية


  

Script executed in 0.19009900093079