يا باخرة جبران وين صرتي
وقلوبنا ع نار شعلتي
صرتي على البال وعكل لسان
ومرسوم في دار الحكم صرتي
خايف عليكي من حسد شمتان
وخايف عليكي لو تاخرتي
خايف عليكي والقلب قلقان
يلي سنين الناس نطّرتي
حتى عليكي تجمعوا الاخوان
وبسحرك الميمون اثرتي
وحضرة معاليه الوزير جبران
عليكي رسي ومشروع سطرتي
يا باخرة كرمالك بلبنان
ثورة من الالحان فجرتي
تـ صار منك بعضهم خوتان
وحاقد عليكي كثار ضجرتي
يا باخرة فيكي الشعب فرحان
وحدك قلوب الناس حيرتي
ندرا علينا نزين الجدران
لو حضرتك عالشط نورتي
وندراً علينا نقلع الشرطان
بلحظة جنابك خط دورتي
يا باخرة ع قدومك العمدان
بدها تزلغط يا معبرتي
واصحاب المواتير وين ما كان
رح تلعن الساعة وعليك تنق
وتقول ريتك لو تبخرتي