فـلاح جـاي حـامِـل الغربـال و قِـيم الشِعر من حَومِة الأوحال و عَ مـفرق التاريـخ للأجيـال الـشِعر قِمِّة جبـال فوق جبـال قِـمِّـه لغير النِسـر ما بتنطـال سـاحِـة وَغا بَدُّو الوغا أبطـال الـشِـعـر مُهر و لازمو خيَّـال مِـش كل شاعِر عَ المنابِر قـال و لا كِـل نـايِح عَ رُبا الأطـلال دمـعـة قلم ... يا شِعر كالشلال |
قمح الصَليبـي غَربِـل و صَفِّـي كـافـي وَحـل يا شِعر بيكفِـي إتـرِك شِعـر ما بتحملُـو كَفِّـي عـالِـم فـقيـه معَمَّم بْـ لَفِّـه مِـش كِل شاعِر يُوسـف العِفِّـه مِـش مـكَرسَح قاعِد بْـ قِفِّـه يـسرُق عَرُوس الشِعـر بالزَفِّـه رُبّـان صـار يـقـود هالدَفِّـه بـالـدَمع حَرقِة شِعـر بيطَفِّـي من فِكر شَاعِـر شَهد عَ الشِفِّـه |
