مـلـعب صبانا كان بيت بـجـوانـحـو الأيام جمعتنا مـصور البرد بداخلو تصاوير وعـاطول يدلف سقف أوضتنا وشحتار اسود فوق رف يطير مـرسـوم من قنديل سهرتنا ونسمع حكايا عن الضبع كتير والـخوف يسرق حلم غفوتنا كـنـت بهاك الأيام طفل زغير وبـلـعـب مع وليدات حارتنا ويـوسف وأحمد بلشوا بكير بـالـشـغل حتى نسد حاجتنا والـوالدي شغل وحسن تدبير تـغـفى وتوعى بهم عيشتنا وبـيـي بزرع التبغ همو كبير حـامـل عـا كتفو هم عيلتنا كـنـا جـنينة ورد وعصافير وكـل الـبـشـر بالحي حبتنا نـعـامل بلطف ونربح التقدير مـا فـي لـنا مبغض بجيرتنا وجـارة كريمة بقولها بتعبير سـكـنة العقيل زهرة جنينتنا ومهما برمنا بها الدني مشاوير وصـرنـا بغربة ودهر شتتنا ومـهما الزمن يرسملنا تقادير بـتـظـل صورة بيتنا بالبال وبـتـظل صورة حب صورتنا |
زغير