يـا دهـر خود حسابك وشـو عملت فينا حاج بيكفي ما العمر فينا ضيف بدو يفل ومحسوب من عمر ال بالملفة كـنـا زغار ..الحلم وكبرنا والـعـمر فينا ختير وصرنا بـبـنك الحياة حساب سكرنا وصرنا عم نودع..عم نصفي ولـمـا التعب والقهر خاوانا وعـاشـت ليالي الفقر جوانا ولـومـا الامـل بالرب خلانا مـجبور نبقى وعمرنا نكفي يـا عمر بديوا حجارك يهروا وايـامـك مـن الدفتر يفروا وسـنـينك بلمح البرق مروا ومـا رف قـلـبك ناحنا رفة وكـنـا بـهالدنيي مثل رفقا شريك ومع التاني عمل صفقة والـيـوم تـاركني بلا شفقة ودقـات قـلـبي بعدك تغفي وما اعطيتني موعد ولا اندار مثل الغريب وقاحم على الدار غـدار صـدقـني انت غدار مثل البعض ما بتعرف العفة يـا دهـر خود حسابك واْفي |
واْفي