أنت تتصفح أرشيف موقع بنت جبيل

نص التسجيل الرابع لإتصال بين النائب عقاب صقر والناطق الرسمي باسم المجلس الاعلى للجيش الحر: «الشيخ سعد بدّو يحسمها»

السبت 01 كانون الأول , 2012 04:00 بتوقيت مدينة بيروت - شاهده 4,683 زائر

نص التسجيل الرابع لإتصال بين النائب عقاب صقر والناطق الرسمي باسم المجلس الاعلى للجيش الحر: «الشيخ سعد بدّو يحسمها»

 

التسجيل الرابع: «الشيخ سعد بدّو يحسمها»

 

لؤي المقداد: ألو

 

عقاب صقر: ألو

 

لؤي المقداد: إي عقاب

 

عقاب صقر: إي لؤي خلّيك معي دقيقة خلّيك معي دقيقة

 

( عقاب يتحدث مع شخص آخر على الهاتف ): ألو إي، لا لا رح تنحل رح تنحل رح تنحل، عم نتابعها، بعرف انك ما نمت، أنا ما نمت كمان، عم نتابعها عرفت عرفت، وبالسعودية وكلون متابعين. لأ حتنحسم انشاالله هيدي حتنحسم. عالأكيد. يلا منتواصل، طيب طيب، بحطك بالجو لحظة بلحظة، الله معك الله معك.

 

عقاب صقر: ألو ألو إي لؤي

 

لؤي المقداد: إي حبيب شو في؟

 

عقاب صقر: خربانة خربانة عالآخر

 

لؤي المقداد: مين هاد الشيخ سعد؟

 

عقاب صقر: الرئيس الحريري جانن جانن بدو يحسما بأي طريقة لازم تنحسم.

 

لؤي المقداد: يا عمي أنا اليوم

 

عقاب صقر: حكيت معون شو قالولك؟

 

لؤي المقداد: حكيو معي اليوم شي عشر مرات نفس الاحتياجات وأقل شي بدّن ذخيرة متوسط يعني.

 

عقاب صقر: ذخيرة متوسطة؟

 

لؤي المقداد: اي أقل شي انت حطيت الشيخ سعد بالصورة؟

 

عقاب صقر: حطيتو بالصورة، وصدّق ما عم ينام، لحظة بلحظة ثانية يثانية عم يتابع، وبدو يحسمها بأي طريقة وعم يقلي هي تحديداً لازم تنحسم وما في أي مجال للفشل.

 

لؤي: في مشكل انو اللي عم بيعانو منو انو يا اخي المنطقة بتسقط واذا سقطت المنطقة بالنسبة الهن يعني متل دومينو بتسقط كل المناطق المحيطة، عرفت؟

 

عقاب: يا خيي انا فهمان هيدا الشي. بس عم قلك حكيت مع دولتو عم بيقول بدنا نحسمها وما فتنا بالتفاصيل وما بدنا نفوت نحنا بالتفاصيل، نحنا عناّ قضية بدنا نحسما ونخلص وننتهي.


Script executed in 0.18605709075928