أنت تتصفح أرشيف موقع بنت جبيل

يا حاكم حاجتك تعمل مثالي

الخميس 26 شباط , 2015 10:00 بتوقيت مدينة بيروت - شاهده 2,619 زائر

يا حاكم حاجتك تعمل مثالي

محمد العبد حوراني - بنت جبيل.اورغ  


يا حكام عن هالشعب عفوا

وعلى الباقي بيكفي لا تكفوا

حرام تعيشونا بهيك حاله/ي

كرامة لربنا النيات صفوا

البلد صفى ع انهيار مالي

وشركنا نصهم بديوا يصفوا

وفيها عم يموت الراس مالي

بعد ما كل مالو عم تسفوا

فلقتونا باْمانة وبالرساله/ي

وزعلت منكم من الكذب عفو

على دروب الكذب مثل الغزاله/ي

والف لفة بساعة عم تلفوا

يا اصحاب الفخامة والمعالي

مرة ولن مع هالناس صفوا

شوفو الناس والمازوت غالي

كيف ولادهم عما يدفوا

وكثر ب اسواقنا محلات باله/ي

وانتو ولادكم كفوا ووفوا

ما شافوا من الفقر هجوا الغوالي

وما شافوا ولادنا كيفن توفوا

يا حاكم حاجتك تعمل مثالي

فينا وانت للجزار كفو

نتفتونا وجلدنا صار حالي

ودبحتونا وحرقتو تين رفو

ال قبل منكم مرق حكام عاله/ي

شوفوا اليوم وين راحوا وصفوا

وقبل ما تنكسر فينا السقاله/ي

وخبر موت الوطن النا تزفوا

وقبل ما ينطفي نور الليالي

ادا ع جهنم الحمرا نزلتو

عليكم في جهنم رح يتفو


Script executed in 0.039666891098022