أنت تتصفح أرشيف موقع بنت جبيل

سماح يا صاحبي

الإثنين 27 نيسان , 2015 10:00 بتوقيت مدينة بيروت - شاهده 4,953 زائر

سماح يا صاحبي

يا صاحبي شو ذكرك فيي

وشو عملت حتى تطول عليي

مني انا ال بوقف ورا المتراس

ومش  بو علي ال عندو انانية

خيي انت يا جارنا  يا الياس

وقديش غالي قول!!!!!! يا خيي

حب ال بقلبي من الصعب ينقاس

ومش بالسعر !!!!!!!بتكون الهديه

في ناس لولا بتلبس الالماس

بتبقى نور هيي كما هيي

وفي ناس تاج بتنوضع عالراس

مثل الشمس بتظل مضويه

بحلفلك باْمي ياْغلى الناس

عمري الك ما ظمرت الاذيه

وفيي انا لا يخونك الاحساس

ولا تغرك بيوت الحراميه

مثل الشعر عم يستعيرو لباس

من ناس بالاضواء مخفيه

وبيعملوا ع غيرهم حراس

وبينزلوا فتوات شرعيه

كرمال الله وبو الفضل عباس

يالله تعى ت نحط ايد بايد

وباقي العمر ت نكملو سويه

محمد العبد حوراني

Script executed in 0.031768083572388