أنت تتصفح أرشيف موقع بنت جبيل

مي شدياق تهاجم الحراك المدني: عاملين "كرمس" بوسط بيروت... وديعان كل حجر أعيد إعماره

الأحد 20 أيلول , 2015 12:00 بتوقيت مدينة بيروت - شاهده 6,140 زائر

مي شدياق تهاجم الحراك المدني: عاملين "كرمس" بوسط بيروت... وديعان كل حجر أعيد إعماره

كتبت الاعلامية مي شدياق على صفحتعا على فايسبوك سلسلة تعليقات شنت فيها هجوماً عنيفاً على الحراك المدني ووصفتهم بالمحتلين لوسط بيروت وعاملين "كرمس" ويريدون تحويل البلد لنظام شيوعي...

ومما قالت: طلع الحراك ضد الشماس مع أحد المعتصمين هدفه تشريع الحشيشة.... لأ عن جدّ ضاعت الطاسة! إنّو هي القصة بالبلد حرب طبقات!!! لأ البلد هو الطبقة الوسطى يللي بتحترم يللّي أفقر منها وبتساعده يحسّن وضعه، بس بنفس الوقت بتحلم تحسّن وضعها وتصير من مستوى الطبقة الغنية... بيروت هي الناس البورجوازية يعني الطبقة الوسطى يللّي عملت حالها بحالها والمثقّفة مش مجتمع حقود لا بدّو يتقدّم ولا بيخليّ غيرو يتقدم....

 

وعلقت شدياق ايضا: ما يحصل احتلال لوسط بيروت نتائجه مشابهة لاحتلال حزب الله لوسط بيروت بعد 7 أيار .... كل واحد عندو تار على حدا جايي ياخدو والميكرفونات مفتوحة عم تعيّطلهم...

وقالت ايضاً عبر فايسبوك: كل وجوه الشيوعية حتى الدكاترة منهم عاملين "كرمس" بوسط بيروت.... حقد حقد حقد ولك ديعان كل حجر أعيد إعماره ببيروت ... كانت الجرادين آكلتنا بعد الحرب... حقد أعمى على الحريري نسيوا إنوّ في حرب هدّمت بيروت وما بقي فيها حجر على حجر! العزيز الياس خوري قال لي بعضمة لسانه أنّه كان مع فتح يقصف الشرقية، أي شارك في التدمير، هلّق عم بيشارك بالحراك ونسي التاريخ...ولووووووووووووو بكفيّ حقد!

وانهت تعليقاتها قائلة: يبدو أنّهم إذا لم يغيّروا النظام في مرحلة أولى ويصلوا الى المثالثة، سيبدأون بتغيير النظام الليبرالي ليصبح البلد تابعاً للنظام الشيوعي.... هذه الفوضى ستقضي على ما تبقّى من لبنان!


Script executed in 0.039379835128784