من جبينك بيفوح النصر
ومن اسمك مجد بلادي
انت النهر بتروي الدهر
وعيدك عيدي و امجادي
......
انت بتعصف متل الريح
و عن اهدافك ما بتزيح
محملنا بدينا مفاتيح
و الفجر باسمك شادي
......
ما بتتنازل عن لبنان
يا هازم حقد الطغيان
بقدملك دم الشريان
وقلبي وروحي زوادي
......
رجالك يا اسود و اشبال
بتخشعلن لو وقفوا جبال
وجبال بتنده لتلال
يلا نرد الاعادي
......
انت الجيش الما بيهاب
مزروع بقلب الاحباب
بعيد الجيش باول آب
المجد باسمك بنادي.
إبراهيم الياس الأشهب
