نشر مركز سرطان الأطفال في لبنان عبر صفحته على فايسبوك:"آية بطلة من ابطال المركز، هيدا يلي كتبته على صفحتها: "من سنة، رسمت طريق جديدة بحياتي، طريق مليانة بالإرادة، الصبر، القوة، الأمل، المواجهة، الايمان....، مثل هيدا اليوم من سنة تغير كل شي بحياتي واختارني السرطان حتى حاربو. قدر السرطان يسرق صحتي بس ما رح يقدر يسرق ابتسامتي، قدر ياخذ شعري بس ما رح ياخذ حبي للحياة، اخذ مني اشيا كتير بس ما رح في ياخذ ايماني القوي واصراري على الحياة.... بالرغم من خباثتو، انشالله رح كون اقوى منو وانتصر عليه. بهيدا اليوم بدي اشكر بالاول مركز سرطان الأطفال يلي عم يسهرو ويتعبو كرمال يخففو وجعنا وكرمال يأمنولنا الراحة النفسية. وبدي اشكر اهلي يلي كانو عم ينوجعو على وجعي، وعم يفرحو على فرحي، وعم يعملو اية شي كرمال يفرحوني، بدي اشكرهن لانو انا قوية بسببن. وكمان بدي اشكر كل رفقاتي وقرايبيني يلي كانو دايما حدي @ccclebanon sending you my love❤". نحن بدورنا منقللك يا آية انو نحن منفتخر فيكي وبقلوبنا كل التقدير لأهلك. من قوتك وقوة كل رفاقك بالمركز نحن مناخد القوة. شكراً لانك عم بتشاركينا رحلتك مع السرطان. منّا الك، كل الحب."
