نشر أحد المواطنين عبر حسابه على فيسبوك حادثة حصلت معه في منطقة كسروان تلخص حال العديد من الشعب في هذا البلد.
فكتب قائلاً: "بعرف رح تسألو شو باه هيدا ليه مصور جواز كلسات بعرف يمكن تلاقو القصة غريبة بس اليوم انا ومارق لجيب غرض من ال supermarket بمنطقة كسروان بدق عليي ختيار ع شباك السيارة وبقلي انا لبناني وما بدي اشحد قلتلو أمور يا عم باك شي ؟
قلي معي هالكلسات عم بيعن لإقدر اشتري دوا القلب بس صدقني ما عم بشحد ما عرفت حالي غير اشتريت منو دغري قلي عمري ٧٢ سنة ليك شو عم بعمل ما بعرف بأي ثانية بوقع بأرضي سألتو عن اسمو رفض يقلّي ما بعرف شو بدي قلو انو دولتك خذلتك ؟ او انك مجرد ما قلتلي "انا لبناني وما عم بشحد" عرفت قدي عزت نفسك بتسوى كل هالتقم السياسي المرت الحاكمناعرفت قدي ما لازم نترك الساحات وصوتنا ما يسكت وما نام كرمال نعملك بلد بليق فيك عم بموتونا ع البطيء وما شبعوا بعد ومش فرقاني معهن بس لما يجوع الشعب رح يخليهن يلعنو الساعة يا عم ما تعتل هم راجعين كرمالك كرمال كل أم وبي وجد عم يضحي لبس يعيش لأنو العيش بكرامة عنا صار بدها ثورة".
حادثة صغيرة تتكرر مئات المرات في بلد يقتل شعبه في النهار الف مرة لأنهم يدفعون ثمن سياسات نهبت اموالهم وحقوقهم وتخلت عنهم في النهاية في وقت يجب ان يكون أمثال هذا "العم" في بيوتهم يستريحون بعد تعب عمر.
