في ظل الأزمة الصعبة التي يمر بها لبنان والتي أثرت بشكل خاص على الشباب حيث سرقت منهم أحلامهم وكل طموحاتهم برزت مبادرات صغيرة من هؤلاء الشباب لتأمين لقمة العيش ولو بأعمال صغيرة لكي يستمروا لأطول وقت ممكن.
فنشر أحد الشبان والذي يدعى محمود صوفان عبر فايسبوك صورة لـ "بسطته" الصغيرة وكتب: "أني محمود محمد صوفان بفتخر بحالي لما شوف حالي عم بعمل شي و لو حتى هيدا شي بسيط هيدي البسطة عبارة عن طاولة صغيرة و عليها كم كيس كعك بظل هيدي الازمة لي عم نعيشا كلنا بهيدا البلد و عم نسترزق من وراها هيدي البسطة الصغيرة عليها أحلام شاب تبخرت و احت متل أي شاب بهيدا البلد و رغم كل الظروف الي ما قدرت تكسرنا وقفنا بوجا و عم نحارب لا ناكل لقمة حلال كلو ببركة الست الوالدة لي بضل تشجعني على أي عمل بعملوا و كلو يبركة البيت لي ضاهر منو أني الحمدالله و هيدا البيت لي بعمرو ما تخلى عن حدا من أفرادو
بالرغم من كل الهل شي الضحكة ما بتفارق وجنا لو شو ما صار..جربو كعكاتنا الطيبين و مش رح تندموالعنوان العديسة الطريق العام كل يوم من الساعة ٦:٣٠ بعد الضهر لا الساعة ٨ الكعكات طازة و الحابب يوصيني يتواصل معي على الخاص وشكرا لا كل حدا عم يشتري من عندي".
محمود عينة من الشباب الذي لن يكل ولن يمل والذي يصر على المحاربة والصمود الى أخر نفس ولكن هل أصبح أخر نفس قريب والى متى سيتحمل شبابنا هذا الوضع؟ّ
