قـالـوا الـمـرا بالحب جنيه وبـالـعـكس منا بربع عقليه شـو طـيبي وقلبا نبع احساس نـصـو طـهـر والنص حنيه قـالـوا يـا امي قلت يا روحي قـالـوا حـبـيبك قلت يا خيي قـالـوا الـصاحب قلت هالايام ع مـصـلـحه وامور شخصيه قـالـوا نـصيحه هات للحلوين قـلـت الـبنت تتواضع شويه وتـقـبل مهر مقدور ع الشبان وبـشـروطـهـا تتنازل خطيه ومـا تـشترط عرسا بشواطينا او بـالـمـسـايا او الصيفيه ت صـار منها يهربوا العرسان ويـسـافـروا عـبـلاد غربيه هـونـيك احلى واجمل النسوان وفـوق المرا بيحصل ع جنسيه قالوا عجب ما حكيت ع الرجال قـلـنـا صعب ترجع كما هيه لـو غـربـلت عن جد وبايمان بـيـنـزل مـن الغربال كميه مـا شالله بتشوف عرض وطول وقـدام مـرتو ضعيف شخصيه حـتـى على ابنو ما عاد يمون وع الـبنت كبرت صارت صبيه ت البنت ضاعت والصبي فلتان وكـثـر الدلع راحت ع صبحيه قـالـوا الـبـشر قلتلهم ميزان بـيـنـقـاس بالكيلو والوقيه مـش هـم ابن فلان او علتان ولا عـيـلـتو من اصل مبنيه ومش هم من وينو ولا كيفو كان الـمـهـم كـم عـندو مجيديه والناس صارت شو معك ليرات وقـديـش فـي عـنا حراميه فـي نـاس عم بتنام ع ملايين وفـي نـاس مـا عندا ولا ميه قـالـوا زمان الخوت والحيتان قـلـتـلهم هيدا اللي نحنا فيه وبـدنـا فـقـط رحـمه الهيه |
