يـا شـعـر يا منفس بغربتنا رش الـعطر ع حروف كلمتنا وخـلـيك النا منفس الاوجاع وامـسـح دموع هموم زادتنا ت يـظل بوجودك وجعنا حب وتـبـقـى الدوا لاوجاع علتنا وحـيـاة كـل حـجره بدارتنا والـثـراب بـحواكير ضيعتنا وريـحة التين وكرمة الزيتون وحـيـاة عشرة عمر جمعتنا والـعصر بالساحه مع الخلان بـنـدوة سـمر بتطيب قعدتنا وختيار عم يبرم على الجيران بـيـسْـال على احوال ديرتنا وراعي عم بيسرح مع العنزات عـنـهم سهي شويي بحارتنا ت مـيـلوا ع كرم بو نصرات واكـلـوا عريشة دعد جارتنا وحـياة سيدنا اللي اسمو بجل ورجـال شـو قـلـوا بامتنا ع ايـدهـم عنا اليهودي اندل وبـوجـودهم رجعت كرامتنا وارزه حـملناها على الباسبور و بـالـقـلب الها من معزتنا يـا صاحبي الايام مهما تدور وظـروف صعبي لهون جابتنا ت صـارت الغربه قدر مكتوب مـثـل الـمرا بالحب سحرتنا حـتـى وحدنا صار بالخمسين وطـالـت مـع الايام غربتنا وحـيـاة الله مـقسم الارزاق ويـا ربـنـا عـفوك ادا متنا خايف ما بكرا بس بالصندوق تـبـقـى عـلى لبنان رجعتنا |
