أنت تتصفح أرشيف موقع بنت جبيل

حكامنا الله يجازيها

الجمعة 09 آذار , 2012 03:00 بتوقيت مدينة بيروت - شاهده 3,247 زائر

حكامنا الله يجازيها

 

حكامنا الله يجازيها

حرقوا الدني كرامة كراسيها

بقصور عاشوا والشعب جوعان

وعملوا ممالك ع مبانيها

وبلادنا صارت مثل دكان

بيقسموها ع حواشيها

وصار الفقير بلقمتو حيران

ببلاد الله الخير عاطيها

والبي صار لعيلتو هكلان

هم الطفالا ت يطعيها

مدخول ما عندو وشغل عدمان

وكبرو الزغار العم يربيها

وصار ببلدنا لو مرض انسان

رايح وجايي عم يقضيها

بين واسطه من فلان او علان

وهيهات ت الاوراق يمضيها

علقان بين المطرقه وسدان

عايش امورو عم يمشيها

مسكين كيف عملوك يا لبنان

طابة دهب وبيلعبوا فيها

لولا الغلط بتقول عند فلان

سهلي ع غيرو الحق يرميها

يا حاكمين اليوم مين ما كان

التفتوا لهموم الناس شو فيها

وخلوا بلدنا بالعدل منصان

بسكان طيبة قلب حاويها

من قبل ما علينا يجي الطوفان

والروح ترجع عند باريها

 

Script executed in 0.1906840801239