| قـولـك يـاقلبي بعد رح ينجلي العدان وتـرجـع لـيـالي الفرح تسمع اغانينا مـطرح ما كنا سوا نعطي الهوى الحان ألـحـان حـب ووفـا من عهد ماضينا ويـرف طـيـر المحبة ويجمع الخلان مـطـرح مـا حـلم الورد ناطر يلاقينا ولـمـا بساط الصلح يجمع شعب لبنان ومـا يـضـل دمعة حزن تحرق مآقينا بـنـعـود نرجع سوا عا ديرة الاوطان نـشـارك بـعرس الفرح فرحة أهالينا والناس ترقص طرب عا المجوز الغشيان وجـبـيـل تـحضر وتسهر ببنت جبيل وتـسـمـع بعرس البنت أجمل قوافينا |
